SØKNADSFRISTEN FOR HAUSTENS GÅVETILDELING ER 1. OKTOBER

Kanskje det er din organisasjon som får æra av å vera gjest i Festsalen i november? Søknadsportalen er open, og alle i stiftinga er klare for haustens mest spennande periode. Blir det gode søknader på nye, engasjerande prosjekt? Treffer dei stiftinga sine berekraftsmål? No er det berre å setja i gang – kanskje nettopp ditt prosjekt vert det neste store! https://www.kvinnheradstiftinga.no/soknadsskjema Er det spørsmål må du ikkje nøla med å ta kontakt. Vi er her for å hjelpa deg! All kontaktinfo ligg her: https://www.kvinnheradstiftinga.no/kontakt

Har du ein god ide som skapar aktivitet?

Tida er snart inne for søknader til gåvetildeling hausten 2024.

Her er ein filmsnutt frå rulleparken i Uskedalen, som er ein suksess. Det er stor aktivitet tidleg og seint.

https://www.kvinnheradstiftinga.no/soknadsskjema Har du spørsmål er vi her for å hjelpa deg.

Nye søknader strøymer inn

Stiftinga tar ikkje ferie heilt endå

4. juli samla styret i stiftinga seg og hadde siste tildelingsmøte før ferien.

Det vart lese søknader, vurdert søknader og vedteke fylgjande tildelingar:

Uskedal helselag	Uskedalen	Psykisk helse i eit prestasjons-samfunn	30 000
Norske Reserveoffiserers Forb.	Stord	Digital modell av Bjelland Fort	20 000
Interesselaget Postvegen	Valen	Mur langs Postvegen og plen / tomt	30 000
Ølve bygdelag	Ølve	Høgtalaranlegg	28 000
Omvik stampe- og kvednalag	Seimsfoss	Straumaggregat  Omvik stampe- og kvednalag	15 000

Fem tildelingar på totalt kr 123 000 Pr dags dato i 2024 har stiftinga tildelt 63 gåver på sum inntil kr 30 000, totalt kr 1 612 700.

Det er eit breidt spekter av aktivitetar for store og små. Her bidrar frivillege til opplevingar, arrangement og historie blir tatt vare på. Det bidrar til at Kvinnherad blir ein betre og meir aktiv kommune å leva i.

Vi ser fram til ein haust fylt med engasjement og samfunnsnyttige prosjekt!